google-site-verification=-hL6jfmRODiUB9qSrw_SeCLSjVs4w_g0zluZicUUSYw
الرئيسيةالاحوال الشخصيةالنفقة الزوجية
الاحوال الشخصية

النفقة الزوجية

#كيف_نحدد_قيمة_النفقه؟
#النفقه هتاخدي نفقة كام
موضوع صعب هنحاول نبسطه علشان الناس كلها بتسأل عليه📝📝📝📝📝📝📝📝

💡علشان دايما الزوجه بتشغل بالها بسؤال مهم هو انا هاخد نفقه كام من جوزي ؟ وطبعا دا مع اسئله كتيره زي هنحدد ازاي دخل الزوج وهو شغال شغل حر؟ وهل لو اثبت انه معندهوش فلوس مش هاخد نفقه ؟ و وقت الدعوي ادايه؟………..هنجاوبك علي اسئله كتير بتيجي علي بالك حضرتك.

النفقه الزوجيه ونفقه الاطفال

💡حق من حقوق الام والاطفال ولو الاب حاول يتهرب منه وامتنع عن الانفاق هيكون من حق الام رفع دعوي نفقه وهيتحكم لصالحها بس السؤال كام مقدار النفقه دي؟
علشان نجاوب علي السؤال ده لازم تعرفي ان تحديد قيمة النفقة بيختلف من حالة لاخري
💡فمثلا الزوجه الي جوزها بيشتغل عمل حكومي او موظف وليه دخل ثابت هيختلف عن واحده جوزها بيشتغل عمل خاص او حر او مفيش دخل ثابت ليها وفيه حاجه تانيه…….. الي جوزها مسافر ومغادر البلاد بيختلف عن الي جوزها موجود بمصر…… وكمان فيه اعتبار تاني زي عدد الاطفال والوضع الاجتماعي ومتوسط مستوي المعيشه الخاص بيها فمثلا لو زوجه ساكن في حي راقي من الاحياء الي تعتبر من الطبقات الغنيه مقدار نفقتها هيختلف عن زوجه بتسكن في حي متوسط……. الاعتبارات كتير ومن الخطاء ان حد يقدر يحدد مقدار النفقه الا بعد وضع و مستندات القضيه يكمل فمثلا لو الزوج يعمل عمل حر لازم عشان نقدر نحدد النفقه نعمل تحريات عن طريق القسم بمتوسط دخله وبعدها نقدر نحدد النفقة

بس كدا مش هنقدر نحدد مقدار النفقه ؟

💡لا فيه قاعده ممكن تحكم الموضوع وكلها نسب تقربيه تزيد وتقل وهي النفقه بتكون في حدود ثلث المرتب او ربعه وبناكد ان مش دي القاعده دي نسبه تقربيه ممكن تسهل عليكي الموضوع شويه

هل النفقه بتشتمل اجر السكن؟

💡النفقه ليها انواع في القانون وحضرتك ممكن تطالبي باجر المسكن لو مش محتاجه مسكن الزوجيه وشايفه ان الافضل تاخدي فلوس عشات تأجري بيها مكان خاص بيكي وباطفالك
و في النهايه المحكمة لها سلطة تقديرية في تحديد النفقة يعني مفيش سلطان عليها. ولو حكم المحكمة منصفكيش ممكن تعملي استئناف عليه. واخيرا وما الحكم الا لله. ونعم بالله.
ووقت الدعوي في المحكمة حوالي ٦شهور ممكن تزيد برده او تقل حسب ظروف الدعوى والمحكمة وتأجيلاتها.
وشكراً. مواضعنا لسا مخلصتش تابعينا وكل يوم معلومه جديده.
مكتب محامي أحوال شخصية وقضايا الأسرة
الاستاذ بلال جابر

01024941022
للتواصل

01004911183

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *