google-site-verification=-hL6jfmRODiUB9qSrw_SeCLSjVs4w_g0zluZicUUSYw
الرئيسيةالاحوال الشخصيةالطلاق للضرر بسبب الضرب
الاحوال الشخصية

الطلاق للضرر بسبب الضرب

 

الطلاق للضرر بسبب الضرب

#الضرب_سبب_من_اسباب_الطلاق_للضرر
#الطلاق_للضرر
#اعرفي_حقوقك_يصديقتي

الطلاق للضرر اسبابه كتيره جدا في القانون ومن اكتر الاسباب شيوعا في الطلاق هوا سبب ضرب الزوجه لانو الضرب دا بعيدا انه بيسيب اثار وجروح في جسم الزوجه بيسيب ألم سيئ جدا في نفسيه الزوجه ولو الجرح الي من اثار الضرب تم شفائو من الصعب شفاء الاثر النفسي السئ من الضرب دا ويمكن ودا رائي المتواضع انه يكون السبب الي خلي المشرع المصري انه تستند عليه الزوجه في طلب الطلاق بس السؤال ايه هيا اجراءات الطلاق للضرر؟ وهل لازم اثبات الضرب بموجب تقرير طبي ولا يكفي شهاده الشهود؟ وهل الضرب دا ممكن يأثر علي الطاعه ولا لا ؟ في البوست دت هنشرح ليكي يصديقتي موضوع لازم تعرفيه علي الاقل من باب العلم بالشئ ركزي معايا……..

الطلاق للضرر

لو حصل اعتداء من الزوج بالضرب والاهانه وحضرتك قررتي تنفصلي فلازم تفهمي انك عشان تطلقي لازم الاول تثبتي نوع الضرر الي بتدعيه….. ودا مثلا لو قولتي انك محتاجه تطلقي عشان جوزك بيضربك لازم تفهمي الاول انك محتاجه اثبات علي واقعه معينه ومحدده فالموضوع بيحتاج لشهاده الشهود والشهود اصلا ليهم شروط معينه مش اي حد ممكن يشهد وكمان لازم الشاهد يكون عاصر الواقعه ولو كانت اصابتك قويه وعملتي محضر او معاكي تقرير طبي هيكون موقفك اقوي وافضل من انك تدعي شئ ملهوش اثبات رسمي ……

الضرب من المواضيع السهل اثباتها لانها بتسيب اثار وجروح وكمان بتكون في العلن بخلاف بعض الاسباب التانيه للطلاق للضرر الي بيكون صعب اثباتها لشده خصوصيتها

والتصرف الصح ليكي يصديقتي لو اكلتي علقه سخنه ومعكيش اثبات انك المره الجايه تشهدي اتنين عليه وكمان تحرري محضر اثبات حاله بواقعه الضرب ودا افضل ليكي في كل الاحوال علي الاقل عشان يفهم انك بني ادمه وبتتعاملي معامله لاقه تليق بيكي والا هيلاقي العقاب والحبس

وهل بتخسر الزوجه حقوقها في الطلاق للضرر ؟

لا طبعا الطلاق للضرر ايا كان سببه سواء للضرب او الهجر او عدم الانفاق او………. بتحتفظ الزوجه بكل حقوقها من نفقه متعه وعده ومؤخر صداق واحنا موضوعنا مستمر ولو محتاجه تعرفي معلومات اكتر تابعينا وكل يوم معلومه جديده تحياتي بلال جابر محامي قضايا الاسره

للتواصل

01024941022

 

شاهد ايضا

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *